ஆடுவோமே பள்ளுப்- பாடுவோமே-aduvome pallu paduvome

பல்லவி 
ஆடுவோமே - பள்ளுப் பாடுவோமே:
ஆனந்த  சுதந்திரம் அடைந்துவிட்டோமென்று(ஆடுவோமே)
சரணங்கள் 
1.பார்ப்பானை ஐயரென்ற காலமும் போச்சே -வெள்ளைப் 

பரங்கியத் துறையென்ற காலமும் போச்சே -பிச்சை 
ஏற்பாரைப் பணிகின்ற காலமும் போச்சே - நம்மை 
ஏய்ப்போருக்கு ஏவல் செய்யுங் காலமும்போச்சே.(ஆடுவோமே)  

2.எங்கும் சுதந்திரம் என்பதே பேச்சு-நாம்  

எல்லோருஞ் சமமென்ப துறுதியாச்சு 
சங்குகொண் டே வெற்றி யூதுவோமே-இதைத் 
தரணிக்கெல் லாமெடுத் தோதுவோமே(ஆடுவோமே)

3.எல்லாரு மொன்ரென்னுங் காலம் வந்ததே- பொய்யும் 
ஏமாற்றுந் தொலைகின்ற காலம்வந்ததே - இனி 
நல்லோர் பெரியரென்ரும் காலம்வந்ததே -கெட்ட 
நயவஞ்சகக் காரருக்கு நாசம் வந்ததே.(ஆடுவோமே)

4.உழவுக்குந் தொழிலுக்கும் வந்தனை செய்வோம் - வீணில் 
உண்டுகளித் திருபோரை நிந்தனை செய்வோம்
விழலுக்கு நீர்பாய்ச்சி மாயமாட்டோம் -வெறும் 
வீனருக் குழைதுடலம் ஓயமாட்டோம்.(ஆடுவோமே)

5.நாமிருக்கு நாடுநம தென்பறிந்தோம் - இது 
நமக்கே யுரிமையா மென்பறிந்தோம் - இந்தப் 
பூமியி லெவர்க்குமினி அடிமைசெய்யோம் - பரி 
பூரணனுக் கேயடிமை செய்துவாழ்வோம்.(ஆடுவோமே)