சுட்டும் விழி சுடர்தான் கண்ணம்மா-Suttum vizhi sudarthan kannamma

1.சுட்டும் விழி சுடர்தான்,- கண்ணம்மா!
 சூரிய சந்திரரோ?

வட்டக்கரியவிழி,-கண்ணம்மா! 
வானக்கருமை  கொள்லோ?
பட்டுகருநீலப்-புடவை 
பதித்த நல்வயிரம் 

நட்டநடுநிசியில் -தெரியும் 
நட்சதிரம்களடீ!


2.சோலைமல ரொளியோ- உனது 
சுந்தரப் புன்னகைதான்? 

நீலகட லலையே - உனது 
நெஞ்சில லைகளடீ! 

கோலக்குயி லோசை -உனது 
குரலி னிமையடீ  

வாலைக் குமரியடீ,-கண்ணம்மா 
மருவக் காதல் கொண்டேன் 

3.சாத்திரம் பேசுகிறாய் -கண்ணம்மா 
சாத்திரமேதுக்கடீ?

ஆத்திரம் கொண்டவர்க்கே,- கண்ணம்மா 
சாத்திர முண்டோடீ?

மூத்தவர் சம்மதியில்-வதுவை 
முறைகள் பின்பு செய்வோம்;

காத்திருப்பேனோடீ? இது பார்,
கன்னத்து முத்தம் ஒன்று!