செந்தமிழ்நாடென்னும் போதினிலே -இன்பத்-senthamiznatennum pothinile-inbath

1.செந்தமிழ்நாடென்னும் போதினிலே -இன்பத் 
தேன் வந்து பாயுது காதினிலே -எங்கள் 
தந்தையர் நாடென்ற பேச்சினிலே -ஒரு 
சக்தி பிறக்குது மூச்சினிலே எங்கள் (செந்தமிழ்)

2.வேதம் நிறைந்த தமிழ்நாடு - உயர் 
வீரம் செறிந்த தமிழ்நாடு-நல்ல 

காதல் புரியும் அரம்பையர் போலிளங் 

கன்னியர் சூழ்ந்த தமிழ்நாடு (செந்தமிழ்)

3.காவிரி தென்பண்னை பாலாறு -தமிழ் 

கண்டதோர் வையை பொருனைநதி -யென 

மேவிய யாறு பலவோடத் - திரு 

மேனி செழித்த தமிழ்நாடு(செந்தமிழ்)  

4.முத்தமிழ் மாமுனி நீள்வரையே -நின்று 

மொய்ம்புறக்காக்குந் தமிழ்நாடு-செல்வம் 

எத்தன யுண்டு புவிமீதே - அவை 

யாவும் படைத்த தமிழ்நாடு-(செந்தமிழ்)

5.நீலத் திரைக்கட லோரத்திலே -நின்று 

நித்தந் தவஞ்செய் குமரியெல்லை-வட 

மாலவன் குன்றம் இவற்றிடை யே புகழ் 

மண்டிக்கிடக்குந் தமிழ்நாடு (செந்தமிழ்)

6.கல்வி சிறந்த தமிழ்நாடு-புகழ்க் 

கம்பன் பிறந்த தமிழ்நாடு -நல்ல 

பலவித மாயின சாத்திரத் தின்மணம் 

பாரெங்கும் வீசும் தமிழ்நாடு (செந்தமிழ்)

7.வள்ளுவன் தன்னை உலகினுக்கே-தந்து 
வான் புகழ் கொண்ட தமிழ்நாடு-நெஞ்சை 
அள்ளும் சிலப்பதி காரமென் றோர்மணி 
யாரம் படைத்த தமிழ்நாடு  (செந்தமிழ்)

8.சிங்களம் புட்பகம் சாவக-மாகிய 
தீவு பலவினுஞ் சென்றேறி -அங்கு 
தங்கள் புலிக்கொடி மீன்கொடி யும் நின்று 
சால்புறக் கண்டவர் தாய்நாடு (செந்தமிழ்)

9.விண்னை யிடிக்கும் தலையிமயம்-எனும் 
வெற்பை யடிக்கும் திறனுடையார் - சமர் 
பண்ணிக் கலிங்கத் திருள் கெடுத் தார்தமிழ்ப்ப் 
பார்த்திவர் நின்ற தமிழ்நாடு (செந்தமிழ்)

10.சீனம் மிசிரம் யவனரகம் -இன்னும் 
தேசம் பலவும் புகழ்வீசிக்-கலை 
ஞானம் படைத்தொழில் வாணிபமும்மிக 
நன்று வளர்த்த தமிழ்நாடு (செந்தமிழ்)

கனிகள் கொண்டுதரும் கண்ணன் -kanikal kondutharu kannan

1.கனிகள் கொண்டுதரும் கண்ணன் 
கற்கண்டு போலினிதாய் 
பனிசெய் சந்தனமும் -பின்னும் 
பல்வகை யக்தர்களும் 
குனியும் வான்முககத்தான்-கண்ணன் 
குலவி நெற்றியிலே 
இனிய பொட்டிடவே-வண்ண 
மியன்ற சவ்வாதும் 


2.கொண்டை முடிப்பதற்கே-மனங் 
கூடு தயிலங்களும்,
வண்டு விழியினுக்கே-கண்ணன் 

மையுங்   கொண்டுதரும்;
தண்டைப் பதங்களுக்கே -செம்மை 
சார்த்துசெம் பஞ்சுதரும்; 
பெண்டிர் தமக்கெல்லாம் -கண்ணன் 
பேசருந் தெய்வமடீ  


3.குங்குமம் கொண்டுவரும் -கண்ணன் 
குழைத்து மார்பெழுத;
சந்கையி லாதபணம்-தந்தே 
தழுவி மையல் செய்யும்;
பங்கமொன் றில்லாமல்-முகம் 
பார்திருந் தாற்போதும்;
மங்களமாகுமடீ-பின்னோர் 
வருத்தமில்லையடீ.  

திக்குத் தெரியாத காட்டில்-உன்னைத்-thikkutheriyaatha kattil unnaith

திக்குத் தெரியாத காட்டில்-உன்னைத் 
தேடித் தேடி இளைத்தேனே..


1.மிக்க நலமுடைய மரங்கள், - பல 
விந்தைச் சுவையுடைய கனிகள் -எந்தப் 
பக்கத்தையும் மறைக்கும் வரைகள் ,-அங்கு 
பாடி நகர்ந்து வரும் நதிகள்,-ஒரு (திக்குத்)


2.நெஞ்சிற் கனல்மணக்கும் பூக்கள் -எங்கும் 
நீலக் கிடக்குமிலைக் கடல்கள்,-மதி 
வஞ்சித் திடுமகழிச் சுனைகள்,- முட்கள் 
மண்டித் துயர்கொடுக்கும் புதர்கள் -ஒரு (திக்குத்)


3.அச்சை பெற விழிக்கும் மான்கள்,- உள்ளம் 
அஞ்சக் குரல்பழகும் புலிகள்,-நல்ல 
செசக் கவிதைசொலும் பராவை,-அங்கு 
நீண்டே படுத்திருக்கும் பாம்பு-ஒரு (திக்குத்)

4.தன்னிச்சை கொண்டலையும் சிங்கம்-அதன் 
சத்தத்தி நிற்கலங்கும் யானை -அதன் 
முன்னின்ரோ டுமிள  மான்கள்- இவை 
முட்டா தயல்பதுங்குத் தவளை -ஒரு (திக்குத் )


5.கால்கை சோர்ந்து விழ லானேன்-இரு 
கண்ணும் துயில்படர லானேன்-ஒரு 
வேல்கைக் கொண்டுகொலை வேடன்
வெட்கங்கொண்டோழிய விழித்தான்-ஒரு (திக்குத்)


6".பெண்ணே,உனதழகைக் கண்டு-மனம் 
பித்தங்கொள்ளு " தென்று நகைத்தான்-"அடி 
கண்ணே, எனதிருகண்மணியே -உனைக் 
கட்டித் தழுவமனங்கொண்டேன்.

7.சேர்ந்தே படுதிருக்கலாமோ?-நல்ல 
துண்டக் கறிசமைத்துத் தின்போம் -சுவை 
தேர்ந்தே கனிகள் கொண்டு தருவேன்-நல்ல 
தேங் கள்ளுண்டினிது  களிப்போம்." (திக்குத்)   


8.என்றே கொடியவிழிவேடன்-உயிர
 இற்றுப் போக விழி துரைத்தான்-தனி 
நின்றே இருகரமுங் குவித்து -அந்த 
நீசன் முன்னறிவை சொல்வேன்.


9."அண்ணா, உனதடியில் வீழ்வேன்-எனை 
அஞ்சக் கொடுமைசொல்ல வேண்டா-பிறன் 
கண்ணாலஞ் செய்துவிட்ட பெண்ணை- உன்றன் 
கன்னர் பார்திடவுந் தகுமோ?"


10.ஏடி சாத்திரங்கள் வேண்டேன் -நின் 
தின்பம் வேண்டுமடி , தனியே நின்றன் 
மோடி கிறுக்குதடி தலையை -நல்ல 
மொந்தைப் பழைய கல்லைப் போல."


11.காதாலிந்தவுரை  கேட்டேன்-"அட 
கண்ணா"வென்றலறி வீழ்ந்தேன்-மிகப் 
போதாக வில்லையிதற குள்ளே என்றன் 
போதந் தேல்யநினைக் கண்டேன். 


12.கண்ணா, வேடநேங்கு போனான்?-உனைக் 
கண்டே யலரிவிழுந் தானோ?-மணி 
வண்ணா? எனதபயக்குரலில்-எனை 
வாழ்விக்க வந்த அருள் வாழி   

தீர்த்தக் கரையினிலே -தெற்கு மூலையில் -Theerthakaraiyinile therku moolaiyil

1.தீர்த்தக் கரையினிலே -தெற்கு மூலையில் 

செண்பகதோ ட்டத்திலே,

பார்த்திரு ந்தால்  வருவேன்-வெண்ணிலாவிலே 

பாங்கியோ டெ ன்றுசொன்னாய்.

வார்த்தை தவறிவிட்டாய்-அடி கண்ணம்மா 

மார்பு துடிக்குதடீ!

பார்த்த விடத்திலெல்லாம்-உன்னைப் போலவே 

பாவை தெரியுதடீ!

2.மேனி கொதிக்குதடீ-தலை சுற்றியே 

வேதனை செய்குதடீ !

வானி லிடத்தையெல்லாம்-இந்த வெண்ணிலா 

வந்து தாழுவுது பார்.

மோனத் திருக்குதடீ-இந்த வையகம் 

மூழ்கித் துயிலினிலே.

நானொருவன் மட்டிலும் -பிரிவென்பதோர்

 நரகத் துழலுவதோ?

3.கடுமை யுடையதடீ -எந்த நேரமும் 

காவலுன் மாளிகையில்;

அடிமை புகுந்த பின்னும் -என்னும்போது நான் 

அங்கு வருவதற்கில்லை.

கொடுமை பொறுக்கவில்லை - கட்டுங் காவலும் 

கூடிக் கிடக்குதங்கே;

நடுமை யரசியவள்-எதற்காகவோ 

நாணிக் குலைந்திடுவாள். 

4.கூடிப் பிரியாமலே -ஒரிராவெலாம்  

கொஞ்சிக் குல வியங்கே

ஆடிவிளையாடியே,-உன்றன்மேனியை 

ஆயிரங்கோடிமுறை 

நாடித் தழுவிமனக் -குறைதீர்ந்துநான் 

நல்ல களிஎய்தியே 

பாடிப் பரவசமாய் -நிற்கவேதவம்  

பண்ணிய தில்லையடி! 

சுட்டும் விழி சுடர்தான் கண்ணம்மா-Suttum vizhi sudarthan kannamma

1.சுட்டும் விழி சுடர்தான்,- கண்ணம்மா!
 சூரிய சந்திரரோ?

வட்டக்கரியவிழி,-கண்ணம்மா! 
வானக்கருமை  கொள்லோ?
பட்டுகருநீலப்-புடவை 
பதித்த நல்வயிரம் 

நட்டநடுநிசியில் -தெரியும் 
நட்சதிரம்களடீ!


2.சோலைமல ரொளியோ- உனது 
சுந்தரப் புன்னகைதான்? 

நீலகட லலையே - உனது 
நெஞ்சில லைகளடீ! 

கோலக்குயி லோசை -உனது 
குரலி னிமையடீ  

வாலைக் குமரியடீ,-கண்ணம்மா 
மருவக் காதல் கொண்டேன் 

3.சாத்திரம் பேசுகிறாய் -கண்ணம்மா 
சாத்திரமேதுக்கடீ?

ஆத்திரம் கொண்டவர்க்கே,- கண்ணம்மா 
சாத்திர முண்டோடீ?

மூத்தவர் சம்மதியில்-வதுவை 
முறைகள் பின்பு செய்வோம்;

காத்திருப்பேனோடீ? இது பார்,
கன்னத்து முத்தம் ஒன்று! 

நெஞ்சு பொறுக்குதில்லையே -இந்த -nenu porukkuthillaye-intha

1.நெஞ்சு பொறுக்குதில்லையே -இந்த
நிலைகெட்ட மனிதரை நினைந்துவிட்டால் 

அஞ்சி யஞ்சி சாவார்-இவர் 
அஞ்சாத பொருளில்லை அவனியிலே 
வஞ்சிப் பேய்களேன்பார்-இந்த 
மரத்திலென்பார்; அந்த குளத்திலென்பார்
துஞ்சுது முகட்டி லென்பார்-மிக 
துயர்படு வார்எண்ணி பயப்படுவார் (நெஞ்சு)


2.மந்திர வாதி யென்பார்-சொல்ல 
மாத்திரத்தி லே மனக் கிலிபிடிப்பார் 
யந்திர சூனியங்கள் -இன்னும் 
எத்தனை யாயிரம் இவர் துயர்கள்!
தந்த பொருளைக் கொண்டோ- ஜனம் 
தாங்குவ ருலகத்தில் அரசரெல்லாம் 
அந்த அரசியலை -இவர் 
அஞ்சுதரு பேயென்றேண்ணி நெஞ்சமயர்வார்(நெஞ்சு)
  
3.சிப்பாயைக் கண்டஞ்சுவார்-ஊர்ச்-
சேவகன் வருதல்கண்டு மனம்பதைப்பார் 
துப்பாக்கி கொண்டோருவன் -வெகு 
தூரத்தில் வரக்கண்டு வீட்டிலொளிப்பார் 
அப்பாலெ வனோசெல்வான்-அவன் 
ஆடையைக் கண்டு பயந் தெழுந்துநிர்பபார் 
எப்போதும் கைத்தட்டுவார்-இவர் 
யாறிடத்தும் பூனைகள்போலேங்கிநடப்பார் (நெஞ்சு)
  
4.நெஞ்சு பொறுக்குதில்லையே -இந்த
நிலைகெட்ட மனிதரை நினைந்துவிட்டால் 
கொஞ்சமோ பிரிவினைகள் -ஒரு 
கோடியென் றால் அது பெரிதாமோ?
ஐந்துதலைப் பாம்பென் பான்-அப்பன் 
ஆறுதலை யென்றுமகன் சொல்லிவிட்டால் 
நெஞ்சு பிரிந்திடு வார்-பின்பு 
நெடுநாளிருவரும் பகைத்திருப்பார் (நெஞ்சு)


5.சாத்திரங்க  லொன்றுங்  காணார் -பொயச் 
சாத்திரப் பேய்கள் சொல்லும் வார்த்தை நம்பியே 
கோத்திரம் ஒன் றாயிருந்தாலும் -ஒரு 
கொள்கையிற் பிரிந்தவனைக் குழைத்திகழ்வார் 
தோத்திரங்கள் சொல்லியவர்தாம் -தமைச் 
சூதுசெய்யும் நீசர்களைப் பணிந்திடுவார் 
ஆத்திரங்க்கொன் டேயிவன் சைவன் -இவன் 
அரிபக்த னென்றுபெருஞ் சண்டையிடுவார். (நெஞ்சு)

6. நெஞ்சு பொறுக்குதில்லையே -இந்த
நிலைகெட்ட மனிதரை நினைந்துவிட்டால்
கஞ்சி குடிப்பதற்கிலார் -அதன் 
காரணங்கள் இவையென்னும் அறிவுமிலார்   
பஞ்சமோ பஞ்சமென்றே -நிதம் 
பரிதவித் தே உயிர் துடிதுடித்து 
துஞ்சி மடிகின்றாரே -இவர் 
துயர்களைத் தீர்க்கவோர் வழியிலையே (நெஞ்சு)


7.எண்ணிலா நோயுடையார்-இவர் 
எழுந்து நடப்பதற்கும் வலிமையிலார் 
கண்ணிலாக் குழ்ந்தைகள்போல்-பிறர் 
காட்டிய வழியிற்சென்று மாட்டிகொள்வார்
நண்ணிய பெருங்கலை கள் - பத்து 
நாலா யிரங் கோடி நயந்துநின்ற 
புண்ணிய நாட்டினிலே -இவர் 
பொறியற்ற விலங்குகள் போலவாழ்வார் (நெஞ்சு)
  


     

தாயின் மணிக்கொடி பாரீர் -அதைத்-thayin manikodi parir-athai

பல்லவி 
தாயின் மணிக்கொடி பாரீர் -அதைத் 
தாழ்ந்து பணிந்து புகழ்ந்திட  வாரீர் 
சரணங்கள் 
1.ஓங்கி வளர்ந்ததோர் கம்பம் -அதன் 
உச்சியின் மேல்  வந்தே மாதர மென்றே 
பாங்கி னேழுதித் திகழும் -செய்ய 
பட்டொளி வீசிப் பறந்தது பாரிர்!


2.பட்டுத்  துகிலென லாமோ?-அதிற் 
பாய்ந்து சுழற்றும் பெரும்புயற் காற்று 
மட்டு மிகுந்தடித்தாலும் -அதை 
மதியாதவ் வுறுதிகொள் மாணிக்கப்  படலம்(தாயின்)

3.இந்திரன் வச்சிர மோர்பால்-அதில் 
எங்கள் துருக்க ரிளம்பிறை யோர்பால் (தாயின்)
மந்திர நடுவுறத் தோன்றும் -அதன் 
மாண்பை வகுத்திட வல்லவன் யானோ?(தாயின்)

4.கம்பத்தின் கீழ்நிற்றல் காணீர் -எங்கும் 
காணரும் வீரர் பெருந்திருக்  கூட்டம் 
நம்பற் குரியரவ் வீரர்-தங்கள் 
நால்லுயி ரீந்துங் கொடியினைக் காப்பார்.(தாயின்

5.அணியணி யாயவர் நிற்கும்-இந்த 
ஆரியக் காட்சியோ ரானந்த மன்றோ? 
பணிகள் பொருந்திய மார்பும் -வீறற் 
பைந்திரு வோங்கும் வடிவமுங் காணீர்!(தாயின்) 

6.செந்தழ்நாட்டுப் பொருநர் -கொடுந் 
தீக்கண் மறவர்கள் , சேரன்றன் வீரர் 
சிந்தை துணிந்த தெலுங்கர் -தாயின் 
சேவடிக் கேபணி செய்துடு துளுவர் .(தாயின்)

7.கன்னட ரொட்டியரோடு -போரிற் 
காலனு மஞ்சக் கலக்கு மராட்டர் 
பொன்னகர்த் தேவர்க் கொளப்ப- நிற்கும் 
பொற்புடை யாரிந்து ஸ்தானது மல்லர்.  (தாயின்)

8..பூதல முற்றிடும் வரையும் -அறப் 
போர்விறல் யாவும் மரப்புறும் வரையும் 
மாதர்கள் கற்புள்ள வரையும் -பாரில் 
மறைவரும் கீர்த்திகொள் ராஜபுத்ர வீரர் (தாயின்)

9.பஞ்ச நததுப் பிறந்தோர் -முன்னைப் 
பார்த்தன் முதற்பலர் வாழ்ந்த நன் னாட்டார் 
துஞ்சும்பொழுதினுந் தாயின் -பதத் 
தொண்டு நினைத்திடும் வங்கத்தி னோரும் (தாயின்)

10.சேர்ந்ததைக் காப்பது காணீர் - அவர் 
சிந்தையின் வீரம் நிரந்தரம் வாழ்க!
தேர்ந்தவர் போற்றும் பரத -நிலத் 
தேவி துவஜம் சிறப்புற வாழ்க (தாயின்)

.வெள்ளைத் தாமரைப் பூவி லிருப்பாள்-vellaithamai pooviliruppal

பல்லவி 
1 .வெள்ளைத் தாமரைப் பூவி லிருப்பாள்
     வீணை செய்யும் ஒலியி லிருப்பாள்
கொள்ளை யின்பங் குலவு கவிதை
     கூறு பாவலர் உள்ளத் திருப்பாள்
அனுபல்லவி 
1..உள்ளதாம் பொருள் தேடி யுணர்ந்தே
     ஓதும் வேதத்தி னுண்ணின் றொளிர்வாள் 
கள்ள மற்ற முனிவர்கள் கூறும் 
     கருணை வாசகத்  துட்பொரு ளாவாள்  (வெள்ளைத்)

சரணம் 1 
மாதர் தீங்குரற்  பாட்டி லிருப்பாள்
     மக்கள் பேசும் மழலையி லுல்லாள்
கீதம் பாடும் குயிலின் குரலைக் 
     கிளியி னாவை இருப்பிடங் கொண்டாள்
சரணம் 2 
கோத கன்ற தொழிலுடைத் தாகிக்
     குலவு சித்திரம் கோபுரம் கோயில் 
ஈத னைத்தின் எழிலிடை யுற்றாள் 
     இன்ப மேவடி வாகிடப் பெற்றாள்  (வெள்ளைத்)

.தூண்டிற் புழுவினைப்போல் -வெளியே-thoondirpuzhuvinaipol -veliye

டீ 

1.தூண்டிற் புழுவினைப்போல் -வெளியே 
சுடர் விளக்கினைப்போல்.
நீண்ட பொழுதாக-எனது 
நெஞ்சு துடித்த தடீ 
கூண்டுக் கிளியினைப் போல்-தனிமை 
கொண்டு மிகவு நொந்தேன்.
வேண்டும் பொருளையெல்லாம்-மனது 
வெறுத்து விட்ட தடீ 
2.பாயின் மிசைநானும்-தனியே 
படு திருக்கையிலே 
தாயினக் கண்டாலும் -ஸகியே 
வளர்த்து பேசிடுவீர்;
நோயினைப் போலஞ் சினேன் -ஸகியே
நுங்களுற வை யெல்லாம்.
3.உணவு செல்லவில்லை-ஸகியே 
உறக்கம் கொள்ளவில்லை,
மனம் விரும்பவில்லை-ஸகியே 
மலர் பிடிக்கவில்லை;
குணமுறுதியில்லை;எதிலும் 
குழப்பம் வந்ததடீ;
கனமு முள்ளத்திலே-சுகமே 
காணகிடைத்ததில்லை.    
4.பாலுங் கசந்த தடீ -ஸகியே
படுக்கை நொந்ததடீ 

கோலக் கிளி மொழியும் -செவியில் 
குத்த லெடுத்ததடீ.
நாலு வ யித்தியரும்-இனிமேல் 
நம்புதற் கில்லை  என்றார்;
பாலத்து சோசியனும்-கிரகம் 
படுத்து மென்று விட்டான்.
5.கனவு கண்டதிலே -ஒருநாள் 
கண்ணுக்கு தோன்றாமல், 
இனம் வினங்கவில்லை,-எவனோ 
என்னகந் தொட்டு விட்டான்.
வினவக் கண்விழித்த்தேன்;ஸகியே 
மேனி மறைந்து விட்டான் 
மனதில் மட்டிலுமே-புதிதோர் 
மகிழ்ச்சி கண்டதடீ. 
6.உச்சி குளிர்ந்ததடீ;ஸகியே 
உடம்பு நேராச்சு 
மச்சிலும் வீடுமெல்லாம் -முன்னைப்போல் 
மண த்துக் கொத்தடீ 
இச்சை பிறந்ததடீ -எதிலும் 
இன்பம் விளைந்த்தடீ.
அச்ச மொழிந்ததடீ;-ஸ கியே 
அழகு வந்ததடீ.
7.எண்ணும் பொழுதி லெல்லாம்,-அவன்கை 
இட்ட விடத்திதினிலே 
தண் ணன் றிருந்ததடீ;-புதிதோர் 
சாந்தி பிறந்ததடீ;
எண்ணி எண்ணிப் பார்த்தேன்;-அவன்தான் 
யாரெனச் சிந்த செய்தேன்;
கண்ணன் திருவுருவம்-அங்ங்னே
கண்ணின் முன் நின்றதடீ  

. 

அச்சம் தவிர் - நய்யப் புடை- Acham Thavir-naayyap-pudai

அச்சம் தவிர்   -   நய்யப் புடை
மானம் போற்று  -  ரவுத்திரம் பழகு

ஆண்மை தவறேல்  -    தாழ்ந்து நடவேல்
சூரரை போற்று   -     தீயோர்க்கு அஞ்சேல்

ஓய்தல் ஒழி  -  நேர்பட பேசு
தாழ்ந்து நடவேல்  -  சாவதற்கு அஞ்சேல்

காலம் அழியேல் -   கீழோர்க்கு அஞ்சேல்
போர் தொழில் பழகு  -  தோல்வியில் கலங்கேல்

புதியன விரும்பு  -   வீரியம் பெருக்கு
கெடுப்பது சோர்வு   -   உண்மைக்கு அஞ்சேல்

வெடிப்பற பேசு   -    நன்று கருது
வவ்வுதல் நீக்கு   -   தவத்தினை நிரப்பு நீ

கற்றது ஒழுகு   -   கைத்தொழில் போற்று
சேர்க்கை அழியேல்  -    பேய்களுக்கு அஞ்சேல்

ஞாயிறு போற்று   - மந்திரம் வலிமை
சவுரியம் தகுமே  - எல்லாம் மெய் செய்
நாள் எல்லாம் மெய் செய்

சிந்து நதியின் மிசை நிலவினிலே -Sindu nathiyin misai nilavinile

5.சிந்து நதியின் மிசை நிலவினிலே 

சேர நன் னாட்டிளம் பெ ண்களுடனே 

சுந்தரத் தெலுங்கினில் பாட்டிசைத்துத் 

தோணிக ளோட்டி விளையாடிவருவோம் 

6.கங்கை நதிப் புறத்துக் கோதுமைப்பண்டம் 

காவிரி வெற்றிலைக்கு மாறு கொள்ளுவோம் 

சிங்க மராட்டியர்தங் கவிதை கொண்டு 

சேரத்துத் தந்தங்கள் பரிசளிப்போம் 

3.சிங்களத் தீவினுக்கோர் பாலமமைப்போம் 

சேதுவை மேடுறுத்தி வீதிசமைப்போம் 

வங்கத்தி லோடிவரும் நீரின் மிகையால் 

மையத்து நாடுகளிற் பயிர்செய்குவோம் 

Note: These three stanzas find place in the song:    

பாரத தேசமென்று பேர் சொல்லு வார் "

பாருக்குள்ளே நல்ல நாடு -எங்கள் -paarukulle nalla nadu engal bharatha nadu

  

பல்லவி 

பாருக்குள்ளே நல்ல நாடு -எங்கள் 

பாரத நாடு 

சரணங்கள் 

1.ஞானத்தி லேபர மோனத்திலே உயர் 

மானத்தி லே அன்ன தானத்திலே 

கானத்தி லேஅமு தாக நிறைந்த 

கவிதையி லே யுயர் நாடு இந்தப் (பாரு)

2.தீரத்தி லேபடை வீரத்திலே -நெஞ்சில் 

ஈரத்தி லேஉப காரத்திலே 

சாரத்தி லேமிகு சாத்திரங் கண்டு 

தருவதி லே யுயர் நாடு இந்தப் (பாரு)

3.நன்மையி லேயுடல்   வன்மையிலே -செல்வப் 

பன்மையி லேமறத் தன்மையிலே 

பொன்மயி லொத்திடு மாதர்தங் கற்பின் 

புகழினி லே யுயர் நாடு இந்தப்(பாரு )

4.ஆக்கத்தி லே தொழி லூக்கதிலே -புய 

வீக்கத்தி லேமறத் தன்மையிலே 

காக்கத் திறல்கொண்ட மல்லர்தஞ் சேனைத் 

கடலினி லே யுயர் நாடு இந்தப்(பாரு )

5.வன்மையி லேயுளத்  திண்மையிலே -மனத் 

தன்மையி லேமதி நுண்மையிலே 

உண்மையி லேதவ றாத புலவர் 

உணர்வினி லே யுயர் நாடு இந்தப்(பாரு )

6.யாகத்தி லேதவ வேகத்திலே -தனி 

யோகத்தி லேபல போகத்திலே 

ஆகத்தி லே தெய்வ பக்தி கொண்டார்தம்

அருளினி லே யுயர் நாடு இந்தப்(பாரு) 

7.ஆற்றினி லே சுனை யூற்றினிலே -தென்றல் 

காற்றினி லேமலைப் போற்றினிலே

 ஏற்றினி லேபய னீ ந் திடுங் காலி 

யினத்தினி லே யுயர் நாடு இந்தப்(பாரு) 

8.தோட்டத்தி லேமரக் கூட்டத்திலே -கனி 

யீ ட்டத்தி லேபயி ரூட்டத்திலே 

தோட்டத்தி லேயடங் காத  நிதியின் 

சிறப்பினி லே யுயர் நாடு இந்தப்(பாரு)

    

.எந்தையுந் தாயு மகிழ்ந்து குலாவி -enthayum thaayum makizhnthu kulavi

1.எந்தையுந்  தாயு மகிழ்ந்து குலாவி 

     யிருந்தது மிந்நாடே -அதன் 

முந்தைய ராயிர மாண்டுகள் வாழ்ந்து 

    முடிந்தது மிந்நாடே -அவர் 

சிந்தையி லாயிர மெண்ணம் வளர்ந்து 

    சிறந்தது மிந்நாடே -இதை 

வந்தனை கூறி மனதி லிருத்தியென் 

     வாயுற வாழ்த்தேனோ -இதை 

வந்தே மாதரம், வந்தே மாதரம் 

     என்று வணங்கேனோ?

2.இன்னுயிர் தந்தெமை யீன்று வளர்த்தரு 

      ளீந்தது மிந்நாடே -எங்கள் 

அன்னையர் தோன்றி மழலைகள் கூறி 

    அறிந்தது மிந்நாடே -அவர் 

கன்னி யராகி நிலவினி லாடிக் 

     களித்தது மிந்நாடே -தங்கள் 

பொன்னுட லின்புற நீர்வினை யாடியில் 

    போந்தது மிந்நாடே -இதை 

வந்தே மாதரம், வந்தே மாதரம் 

     என்று வணங்கேனோ?

3.மங்கைய ராயவர் இல்லற நன்கு 

     வளர்த்தது மிந்நாடே -அவர் 

தங்க மதலைக்  ளீன்றமு தூட்டித் 

     தழுவி திந்நாடே -மக்கள் 

துங்க முயர்ந்து வளர்கெனக் கோயில்கள் 

     சூழ்ந்தது மிந்நாடே -பின்னர் 

அங்கவர் மாய அவருடற் பூந்துகள் 

    ஆர்ந்தது மிந்நாடே -இதை 

வந்தே மாதரம்,வந்தே மாதரம் 

     என்று வணங்கேனோ?
Note: A visitor from Mountainview, California visited the video uploaded by me separately today-17/7/2012. I have uploaded the video with the song.

மன்னு மிமயமலை யெங்கள் மலையே -Mannumimayamalai yengal malaye

மன்னு மிமயமலை யெங்கள்

      1.மன்னு மிமயமலை யெங்கள் மலையே 

     மாநில மீதது போற்பிறி திலையே 

இன்னறு  நீர்க்கங்கை யாறெங்கள் யாறே

     இங்கிதன் மாண்பிற் கெதிரெது வேறே 

பன்னரு முபநிட நூலெங்கள் நூலே 

     பார்மிசை யேதொரு நூலித போலே!

பொன்னொளிர் பாரத் நாடெங்கள் நாடே 

     போற்றுவ மிஹ்தை யெமக்கில்லை யீடே 

2.மாரத வீரர் மலிந்தநன் னாடு 

      மாமுனி வோர்பலர் வாழ்ந்தபொன்னாடு 

நாரத கான் நலந்திகழ்நாடு 

     நல்லன யாவையு நாடு றுநாடு  

பூரண ஞானம் பொலிந்த நன்னாடு 

     புத்தர் பிரானருள் பொங்கிய நாடு

பாடு மிஹ்தை யெமக்கிளையீடே 

3.இன்னல்வந் தூற்றிடும் போததற்கஞ்சோம் 

     ஏழையராகி யினிமண்ணிற் றுஞ்சோம் 

தன்னலம் பேணி யிழிதொழில்புரியோம் 

     தாய்த்திரு நாடெனி லினிக்கையைவிரியோம் 

கன்னலுந் தேனும் கனியுமின்பாலும் 

     கதலியும் செந்நெலும் நல்குமெக்காலும் 

உன்னத ஆரிய நாடெங்கள் நாடே

ஒதுவ மிஹ்தை யெமக்கிலையீடே 

வருவாய் வருவாய் வருவாய் - கண்ணா -varuvai, varuvai, varuvai-kanna

பல்லவி 

வருவாய் வருவாய் வருவாய் - கண்ணா 

வருவாய் , வருவாய் வருவாய்.

சரணம் 

1.உருவாய் அறிவில் ஒளிர்வாய் -கண்ணா 

உயிரின் னமுதாய்ப் பொழிவாய் -கண்ணா 

கருவாய் என்னுள் வளர்வாய் -கண்ணா 

கமலத் திருவோ டினைவாய் -கண்ணா

2. இணைவாய் எனதா வியிலே - கண்ணா 

இதயத் தினிலே யமர்வாய் -கண்ணா 

கனைவா யசுரர் தலைகள் சிதறக் 

கடையூ ழியிலே படையோ டெழுவாய் -கண்ணா 

3.எழுவாய் கடல்மீ தனிலே -  எழுமோர் 

இரவிக் கினையா உள மீதினிலே 

தொழுவேன் சிவனாம் ச்நினையே -கண்ணா 

துணையே, அமரர் தொழும்வா னவனே!-கண்ணா