1.ஓடி விளையாடு பாப்பா, - நீ
ஓய்ந்திருக்க லாகாது பாப்பா ,
கூடி விளையாடு பாப்பா, -ஒரு
குழந்தையை வையாதே பாப்பா.
2,சின்னஞ்சிறு சிருகுகுவி போலே - நீ
திரிந்து பறந்துவா பாப்பா,
வண்ணப் பறவைகளைக் கண்டு - நீ
மனத்தில் மகிழ்ச்சிகொள்ளு பாப்பா
3.கொத்தித் திரியுமந்தக் கோழி-அதைக்
கூட்டி விளையாடு பாப்பா
எத்தித் திருடுமந்த காக்காய் -அதற்
கிரக்கப்படவேணும் பாப்பா.
4.பாலைப் பொழிந்துதரும் பாப்பா-அந்தப்
பசு நல்லதடி பாப்பா
வாலைக் குழைந்துவரும் நாய்தான்-அது
மனிதர்க்குத் தோழனடி பாப்பா.
5.வண்டியிழுக்கும் நல்ல குதிரை -நெல்லு
வாழி உழுதுவரும் மாடு,
அண்டிப் பிழைக்கும் நம்மை ஆடு,-இவை
ஆதரிக்க வேணுமடி பாப்பா.
6.காலை எழுந்தவுடன் படிப்பு - பின்பு
கனிவு கொடுக்கும் நல்ல பாட்டு
மாலை முழுதும் விளையாட்டு -என்று
வழக்கப் படுத்திக் கொள்ளு பாப்பா
7.பொய் சொல்லக்கூடாது பாப்பா-என்றும்
புறஞ் சொல்ல லாகாது பாப்பா,
தெய்வம் நமக்குத்துணை பாப்பா-ஒரு
தீங்கு வரமாட்டது பாப்பா.
8..பாதகஞ் செய்பவரைக் கண்டால் - நாம்
பயம்கொள்ள லாகாது பாப்பா,
மோதி மிதித்துவிடு பாப்பா - அவர்
முகத்தில் உமிழிந்துவிடு பாப்பா
9.துன்பம் நெருங்கி வந்த போதும்-நாம்
சோர்ந்துவிடலாகாது பாப்பா,
அன்மிகுந்த் தெய்வமுண்டு-துன்பம்
அத்தனையும் போக்கிவிடும் பாப்பா
10.சோம்பல் மிகக்கெடுதிபாப்பா-தாய்
சொன்ன சொல்லைத் தட்டாதேபாப்பா
தேம்பி யழுங் குழந்தை நொண்டி,-நீ
திடங்கொண்டு போராடு பாப்பா
11.தமிழ்த்திருநாடு தன்னைப் பெற்ற-எங்கள்
தாயென்று கும்பிடடி பாப்பா.
அமிழ்தில் இனியதடி பாப்பா,-நம்
ஆன்றோர்கள் தேசமடி பாப்பா
12.சொல்லில் உயர்வு தமிழ்ச் சொல்லே,-அதைத்
தொழுது படித்திடடி பாப்பா,
செல்வம்நிறைந்த ஹிந்து ஸ்தானம் -அதைத்
தினமும் புகழ்ந்திடடி பாப்பா.
13.வடக்கில் இமயமலை பாப்பா-தெற்கில்
வாழுங் குமரி முனை பாப்பா.
கிடக்கும் பெரிய கடல் கண்டாய்-இதன்
கிழக்கிலும் மேற்கிலும் பாப்பா.
14.வேத முடையதிந்த நாடு-நல்ல
வீரர் பிறந்தநாடு.
சேதமில் லாத ஹிந்துஸ்தானம்-இதைத்
தெய்வமென்று குமிடடி பாப்பா.
15.சாதிகள் இல்லையடி பாப்பா-குலத்
தாழ்ச்சி உயர்ச்சி சொல்லல் பாவம்;
நீதி, உயர்ந்தமதி,கல்வி-அன்பு
நிறைய உடையோர்கள் மேலோர்.
16.உயிர்களிடத்தில் அன்பு வேணும் - தெய்வம்
உண்மையென்று தானறிதல் வேணும்;
வயிர முடையநெஞ்சு வேணும்;-இது
வாழும் முறைமையடி பாப்பா.
A visitor from Madras is viewing this post frequently.Now I have posted the full text of the song and one more video.
